Akit kisitsisinngorlugit suliarineqarnerannut tunngaviusut aamma killiliinerit

Immikkoortumi tulliuttumi akit pillugit kisitsisitigut paasissutissanut tunngaviusut aamma kisitsisitigut paasissutissat killeqarnerat atuartutullu kisitsisinik isumalersuivallaannginnissaq allaaserineqarput.

Akinut naleqqersuutip naatsorsornerani akit ineriartorneri pillugit kisitsimmik ataatsimoortumik nioqqutissat kiffartuussinerillu aaliangersimasut allanngorneri pingaartinneqartarput. Inoqutigiinni atuinermut aningaasartuutit agguaqatigiissillugu atuisartumut, nioqqutissat kiffartuussinerillu aaliangersimasut naatsorsuinermi pingaartinneqartut nalingi uuttuutigineqarput. Taamaattumik atuisut ataasiakkaat akornanni annertuumik assigiinngitsoqarsinnaasarpoq, ilaatigut atueriaatsit apeqqutaatillugit.

Naatsorsueqqissaartarfiup akinut naleqqersuutit marluk naatsorsortarpai: Atuisunut akinut naleqqersuut aamma nalimmassaanermi akinut naleqqersuut.

Atuisunut akinut naleqqersuutip takutittarpaa pisiassap pisiarineranut akileraarutitalerlugu akia.

Ineqarniarnermut akiliutinut isumaqatigiissutillu aaqqiivigineqarnissaanut atorneqartussamik Naatsorsueqqissaartarfiup akinut iluarsiissummut naleqqersuut naatsorsortarpaa, akitsuutit tapiissutillu piiarneqarsimallutik.

Akinut iluarsiissummut naleqqersuut taamaasilluni niuerfinni akinut allannguinerni ersiutaanerpaasarpoq.